പ്രണയ ലേഖനം
കവിത..
ടി.സി.വി.സതീശന്‍
മരണമേ പ്രണയമാണെനിക്കു
നിന്‍ കറുത്ത കരങ്ങളിലെ
കൂര്‍ത്ത നഖങ്ങള്‍ ..
മടുത്തു ഞാനീ കരിപിടിച്ച
ജീവിതത്തിന്‍ കറുത്ത നാളുകള്‍
മരണമേ , മടിച്ചിടാതെ വരിക നീ
ആഴ്ന്നിറക്കുക നിന്‍ കൂര്‍ത്ത നഖങ്ങളെന്‍
കഴുത്തില്‍ , ഈ കറുത്ത രക്തം
മോന്തുക മതിവരോളം
ഒരു പ്രാണനാഥനെന്ന പോല്‍
ഒരു കടും പിങ്ക് റോസായി തീരുക നീ
പ്രേമ ഹാരമായി തീരണമെനിക്കു
നിന്‍ കഴുത്തിലെന്നും ഇതു വിവശയാം
പ്രണയിനിയുടെ അവസാനയാഗ്രഹം
ആശുപത്രിക്കിടക്കയില്‍ കൊതുകുകള്‍
ബാക്കിവെച്ചീ ജീവിതം എടുത്തു കൊള്ളുക നീ
ഏകജാലകം തുറന്നു ഞാനീ മനസ്സ്
നിനക്കായി യെന്‍ കറുത്ത കൈകളാല്‍
കുറിച്ചിടും പ്രണയ ലേഖനമിത് ..
സദയം സ്വീകരിക്കുക നീ മടിച്ചിടാതെ .
No comments:
Post a Comment